Grupo de diaples, bruixas y atras bestias, que fan spectaclos con mosica, fuego y pirotecnia.
Dende 1992 promocionando a cultura aragonesa, animando as fiestas d’os lugars con ritmos y purnas, color y chugardina per toda a cheografía peninsular.
Diferents spectaclos de carrera, que femos en plazas, tipo teatral, con artificios pirotecnicos de baixa intensidat pero gran efecto visual, maniaus per os diaples, as bruixas, chugando con as suyas bestias, y animaus per os mosicos en directo. Con ritmos tradicionals aragoneses y d’atras culturas, asinas como fusionaus con atros trastes.
Tot feito de manera voluntaria dende l’asociación cultural con siede en Zaragoza... Un grupo muit variau de bellas 30 personas, que cuentan con quantas colaboracions a lo largo d’a suya historia.
Nos fa goyo d’animar as fiestas, endizcando a la chent d’o lugar, emocions y sensacions diferents, chugando y danzando con o fuego y a polvora, con purnas y colors, a ritmo d’as mosicas en directo.
Actuación en a Plaza d’o Pilar de Zaragoza, en as Fiestas de 2016.
Podemos ufrir;
Spectaclos grans, sobre una hora de chugarrina.
Spectaclos chicotz, arredol de 35 minutos de durada.
Ya siga perque nos trucan u nos reclaman, u perque queremos acudir-ie, hemos actuau en muitos puestos, y atros que nos ne queda per visitar. Mas que mas nos movemos per o territorio d’Aragón, pero nos hemos desplazau t’atros puestos de l’estau espanyol.
Noche Andalusí de la Rosa, Baños de la encina, Jaén.
Puetz veyer este mapa con as localizacions an que o grupo ha actuau y deixau o suyo rastro... siempre nos fa goyo de recordar, mesmo de tornar-ie a actuar, y animar as fiestas y celebracions.
