Femos actuacions de bailes de bruixas, diaples y atras bestias, con mosica en directo, fuego y pirotecnia.
Podemos diferenciar os spectaclos per o tipo u durada, pero tamién disposamos de varios guions y historias que creamos y adaptamos seguntes as necesidatz.
Actuacions ideyals pa animar as fiestas en grans espacios y pa rematar as fiestas con mosica, fuego y pirotecnia.
Se gosa acudir t’o puesto un minimo de 20 personas, entre mosicos, cremadors y asistents. Y as representacions tienen una durada de mas de 45 minutos.
De menor durada y volumen, pa chicotas fiestas u presupuestos mas modestos.
Bells 35 minutos d’actuación, y bells 15 diaples, mosicas, cremadoras y asistents.
Toda l’acción se representa en un puesto fixo. Una plaza u espacio amplo pa a recreación y o publico puet estar-ie arredol y disfrutar de l’evento.
Se planteya un recorriu pa fer per as carreras d’o lugar. Se pueden fer recorrius linials, con un punto de salida y unatro de final. U recorrius circulars, pa empecipiar y rematar en a mesma plaza. Se planteya un chicot spectaclo inicial y final, y mientres o recorriu os diaples van per an que les rota, tot fendo muitas drezas y fizconiando a os asistents.
Contacta con o grupo y planteya as necesidatz pa veyer si podemos fer garra adaptación a os requisitos disponibles y necesidatz mutuas.
